Զիդանն առանձնահատուկ աշխատանք է տանելու «Ռեալի» 2 ֆուտբոլիստի հետ՝ նրանց խաղը բարելավելու համար

«Ռեալում» դժգոհ են նախորդ տարվա նորեկներից:

Ինչպես տեղեկացնում է Marca պարբերականը, Էդեն Ազարից բացի, մադրիդյան ակումբում շատ ավելի լավ խաղ էին ակնկալում Լուկա Յովիչից ու Էդեր Միլիտաոյից: Աղբյուրի փոխանցմամբ՝ թիմի գլխավոր մարզիչ Զինեդին Զիդանն գալիք մրցաշրջանում առանձնահատուկ աշխատանք է տանելու 2 ֆուտբոլիստի հետ՝ նրանց խաղը բարելավելու համար:

Յովիչի ցուցանիշները ավելի քան հիասթափեցնող էին նախորդ մրցաշրջանում. անցկացրած 27 խաղում խփած 2 գոլն այն արդյունքը չէ, որի համար «Արքյական ակումբը» 60 միլիոն վճարեց «Այնտրախտին»: Միլիտաոն նույնպես չտպավորեց. բրազիլացին ոչ մի կերպ չկարողացավ մրցակցություն ցույց տալ Վարանին և Ռամոսին. խաղադաշտում նա անվստահ խաղ էր ցուցադրում ու հաճախ սխալվում:

Միացի՛ր հայկական ամենասպորտային Instagram-ին: