Մադրիդի «Ռեալի» գլխավոր մարզիչ Կառլո Անչելոտին մամուլի ասուլիսի ժամանակ հաստատել է, որ կենտրոնական պաշտպան Դավիդ Ալաբան բաց կթողնի Չեմպիոնների լիգայի կիսաեզրափակիչի՝ «Մանչեսթեր Սիթիի» դեմ պատասխան հանդիպումը՝ տեղեկանում ենք ՈՒԵՖԱ-ի պաշտոնական կայքից:
Ալաբան թիմերի միջև Անգլիայում կայացած դիմակայության առաջին խաղի 2-րդ կեսի մեկնարկից առաջ հարկադրված փոխարինվել էր:
Հիշեցնենք՝ թիմերի միջև դիմակայության առաջին խաղում անգլիական թիմը հաղթել է 4:3 հաշվով: «Սանտիագո Բեռնաբեու» ստադիոնում կայանալիք պատասխան մրցավեճը նույնպես կցուցադրվի «Վիվառո Սպորտ»-ի ուղիղ եթերում:
Թարմացում, 03.05.2022թ., 17:04
Մադրիդի «Ռեալը» քիչ առաջ ներկայացրել է թիմի հայտացուցակը. Ալաբան հայտավորված է խաղին: