«Avatar: The Way of Water» («Ավատար. Ջրի ճանապարհը») գիտաֆանտաստիկ ֆիլմի դեբյուտային թրեյլերի թողարկման հենց առաջին օրը տեսանյութն ունեցել է ռեկորդային 148,6 միլիոն դիտում, հաղորդում է The Hollywood Reporter-ը։
Պաշտոնապես տեսանյութը հրապարակվել է տեսահոսթինգային կայքերում երկուշաբթի՝ մայիսի 9-ին: Մինչ այդ, «Ավատար 2»-ի թիզերը ցուցադրվել էր կինոթատրոններում «Doctor Strange. In the Multiverse of Madness» ֆիլմի ցուցադրությունից առաջ։
«Avatar: The Way of Water» ֆիլմի սյուժեն նվիրված է առաջին մասի եզրափակիչից մի քանի տարի անց տեղի ունեցող իրադարձություններին։ Ֆիլմը կպատմի Պանդորա մոլորակի վրա ապրող Ջեյքի, Նեյտիրիի և նրանց երեխաների մասին...
Օրիգինալ «Ավատարը» թողարկվել է 13 տարի առաջ, այն դարձել է կինոյի պատմության մեջ ամենաշատ եկամուտ ստացած ֆիլմերից։
«Avatar: The Way of Water»-ի պրեմիերան նախատեսված է 2022 թվականի դեկտեմբերի 14-ին։ Ծրագրվում են ևս երեք ֆիլմեր, որոնց մի մասն արդեն նկարահանված է։
Կարող եք կարդալ նաև՝
«Ջրի ճանապարհը»․ ներկայացվել է «Ավատար 2»-ի թրեյլերը