Fastex Հայաստանի Պրեմիեր լիգայի 30-րդ տուրում գործող չեմպիոն Երևանի «Փյունիկը» Գյումրիի քաղաքային մարզադաշտում հյուրընկալվեց «Շիրակին» ու վստահ հաղթանակ տարավ 4-0 հաշվով:
Եղիշե Մելիքյանի գլխավորած թիմի կազմում մեկական գոլ խփեցին նիգերիացի հարձակվող Յուսուֆ Օտուբանջոն, առաջնության լավագույն ռմբարկու, բոսնիացի հարձակվող Լուկա Յուրիչիչը, բրազիլացի պաշտպան Խամես Սանթոսը և հյուսիսմակեդոնացի կիսապաշտպան Ստեֆան Սպիրովսկին:
26-ամյա Յուրիչիչը 16 գոլով գլխավորում է ռմբարկուների ցուցակը։ Երկրորդ տեղում գտնվող Օտուբանջոն հետ է 3 գոլ։
«Շիրակը» 45-րդ րոպեից խաղում էր 10 ֆուտբոլիստներով, կարմիր քարտ էր ստացել կիսապաշտպան Ռաֆիկ Միսակյանը:
«Փյունիկը» 67 միավորով երկրորդն է և երեք միավոր է զիջում առաջատար «Ուրարտուին»: «Շիրակը» 32 միավորով 6-րդն է:
Fastex Հայաստանի Պրեմիեր լիգա, 30-րդ տուր
«Շիրակ» - «Փյունիկ»՝ 0-4
Լուկա Յուրիչիչ, 45+3 (11մ), Յուսուֆ Օտուբանջո, 61, Խամես Սանթոս, 63, Ստեֆան Սպիրովսկի, 90+1
Հեռացում՝ Ռաֆիկ Միսակյան, 45 («Շիրակ»)
