«Մանչեսթեր Սիթիի» գլխավոր մարզիչ Պեպ Գվարդիոլան անդրադարձել է Ջեկ Գրիլիշի, Կայ Ուոկերի և Ռիադ Մահրեզի վարքագծին:
Հիշեցնենք՝ համացանցում տեսանյութ էր հրապարակվել, որտեղ երևում է՝ ինչպես են ֆուտբոլիստները ցանկանում մտնել Մանչեսթերի ակումբներից մեկը, սակայն անվտանգության աշխատակիցները թույլ չեն տալիս:
«Շատ հիասթափված եմ, քանի որ նրանք ինձ չեն հրավիրել: Հաջորդ անգամ, հույս ունեմ, ինձ նույնպես կկանչեն: Այլ տեսանյութերից երևում է, որ ոչ մի դատապարտելի բան չեն անում, միասին ճաշում և ժամանակ են անցկացնում, սակայն նրանք կտուգանվեն՝ ինձ չհրավիրելու համար»:
Հավելենք, որ «քաղաքաբնակները» միանձնյա գլխավորում են Պրեմիեր լիգայի մրցաշարային աղյուսակը: