Վրաստանի Քութայիսի քաղաքում սպորտային մարմնամարզության տղաների և աղջիկների Հայաստանի երիտասարդական հավաքականները մեծ հաջողություն են գրանցել «Քութայիսիի գավաթ» միջազգային մրցաշարում՝ հայտնում է Հայաստանի մարմնամարզության ֆեդերացիայի մամուլի ծառայությունը:
Տղաները, ընդհանուր առմամբ, 15 մեդալ են նվաճել (11 ոսկի, 3 արծաթ, 1 բրոնզ), աղջիկները՝ 9 (5 ոսկի, 2 արծաթ, 2 բրոնզ):
Հիշեցնենք, որ մեր հավաքականներն առաջինն էին նաև թիմային բազմամարտում: