Իտալական Kickest-ը ներկայացրել է Ա Սերիայի վերջին 3 մրցաշրջանի ամենաարդյունավետ կիսապաշտպանների հնգյակը:
Թոփ-5-ում է ընդգրկվել նաև «Ռոմայի» հայ կիսապաշտպան Հենրիխ Մխիթարյանը, որն առաջիկայում կդառնա «Ինտերի» ֆուտբոլիստ: Մխիթարյանն Ա Սերիայի վերջին 3 մրցաշրջանում 27 գոլ է խփել և կատարել 21 ասիստ (48 միավոր):
Այս ցուցանիշով Հենրիխը զիջում է միայն «Ինտերի» և «Լացիոյի» կիսապաշտպաններ համապատասխանաբար Հաքան Չալհանօղլուին (20 գոլ, 30 ասիստ (50 միավոր)) և Սերգեյ Միլինկովիչ-Սավիչին (26 գոլ, 24 ասիստ (50 միավոր)):
«Գոլ+ասիստ» ցուցանիշով լավագույնների հնգյակում են նաև «Լացիոյից» Լուիս Ալբերտոն (20 գոլ, 27 ասիստ (47 միավոր)) և «Սամպդորիայից» Անտոնիո Կանդրևան (17 գոլ, 25 ասիստ (42 միավոր)):
Calha e Mkhitaryan 🎯🔝 @Kickest_it pic.twitter.com/l5Kv1WEqpn
— InterHub (@InterHubOff) June 23, 2022
Հայաստանի հավաքականի նախկին ավագը 2019 թվականի սեպտեմբերից է խաղում Ա Սերիայում: Մխիթարյանի՝ «Ռոմայի» հետ պայմանագիրը գործում է մինչև հունիսի 30-ը: