Լա լիգայի չեմպիոնական տիտղոսը նվաճելուց հետո «Ռեալի» նախագահ Ֆլորենտինո Պերեսը շփվել է լրագրողների հետ:
«Այն նույն բավարարվածությունն եմ զգում, որ կա բոլոր մադրիդիստների մոտ: Մրցաշրջանի մեկնարկին մեր նպատակը Լա լիգան և Չեմպիոնների լիգան հաղթելն էր. առաջինը կատարեցինք, հիմա պետք է կենտրոնանանք երկրորդի վրա»:
Նախագահին հարց է տրվել նաև Մբապեի՝ հնարավոր տրանսֆերի վերաբերյալ.
«Չէի մտածում դրա մասին, բայց քանի որ հիշեցրիք, ասեմ՝ դա հնարավոր է: Երբ պլանավորելիս լինենք գալիք մրցաշրջանի կազմը, կմտածենք:
Ինչ վերաբերում է Անչելոտիին, ապա նա մեծ փորձ ունի: Նրա գաղափարախոսությունը համապատասխանում է «Ռեալին», ու դա շատ կարևոր է մարզչի համար: Ամեն ինչ հիանալի է, սակայն միշտ էլ կգտնվի մեկը, որ կքննադատի»,- Պերեսի խոսքը փոխանցում է Movistar-ը: