Իտալական «Ռոմայի» գործադիր տնօրեն Տիագու Պինտուն խոսել է թիմի հայ կիսապաշտպան Հենրիխ Մխիթարյանի ապագայի մասին:
«Ես խոսել եմ Մխիթարյանի հետ միայն վերականգնման ընթացքի մասին, մենք կենտրոնացած ենք դրա վրա: Ես լավ գիտեմ տղային, գիտեմ նրա պրոֆեսիոնալիզմը և բնավորությունը:
100 տոկոսով վստահ եմ, որ նա կապի մեջ չէ «Ինտերի» հետ: Հենրիխը կենտրոնացած է միայն ապաքինման ընթացքի վրա, որպեսզի ամեն ինչ անի՝ մասնակցելու Կոնֆերենցիաների լիգայի եզրափակիչին:
Ես այստեղ չեմ, որպեսզի խոսեմ տրանսֆերային շուկայի մասին. մենք ժամանակ կունենանք դրա համար»,- ասել է Պինտուն DAZN-ի հետ զրույցում:
Ավելի վաղ հաղորդվում էր, որ Միլանի «Ինտերը» կապ է հաստատել 33-ամյա հայ ֆուտբոլիստի ներկայացուցիչների հետ: Մխիթարյանի՝ «Ռոմայի» հետ գործող պայմանագրի ժամկետը նախատեսված է մինչև հունիս:
Աղբյուր. Մխիթարյանը պատրաստ կլինի եզրափակիչին