«Բարսելոնայի» գլխավոր մարզիչ Չավին անձամբ է համոզում «Բավարիայի» հարձակվող Ռոբերտ Լևանդովսկիին տեղափոխվել կատալոնական ակումբ՝ հայտնում է լրագրող Մատեո Մորետոն։
Աղբյուրի տեղեկություններով՝ իսպանացի մասնագետը հարձակվողին պատմել է այն նախագծի մասին, որը նա ցանկանում է կառուցել։
Ըստ Մորետոյի՝ լեհ ֆուտբոլիստին ամեն ինչ դուր է եկել, և նա համաձայնել է տեղափոխվել կատալոնական ակումբ, սակայն պաշտոնական պայմանավորվածություններ դեռ չկան։
Լևանդովսկիի պայմանագիրը մյունխենյան ակումբի հետ կավարտվի 2023 թվականի ամռանը։
Transfermarkt-ը լեհ հարձակվողի տրանսֆերային արժեքը գնահատում է 50 միլիոն եվրո:
Ընթացիկ մրցաշրջանում 33-ամյա ֆուտբոլիստը «Բավարիայի» կազմում անցկացրել է 40 հանդիպում բոլոր մրցաշարերում՝ դառնալով 44 գոլի և 4 գոլային փոխանցման հեղինակ: Մյունխենյան ակումբի կազմում Լևանդովսկին անցկացնում է 8-րդ մրցաշրջանը։
Որքա՞ն է գնահատում «Բարսելոնան» Լևանդովսկիի հնարավոր տրանսֆերը