Երևանում ավարտին է մոտենում բռնցքամարտի Եվրոպայի առաջնությունը։
63.5 կգ քաշային կարգի եզրափակիչում Օլիմպիական խաղերի բրոնզե մեդալակիր և աշխարհի առաջնության եռակի բրոնզե մեդալակիր, Եվրոպայի առաջնության և Եվրոպական խաղերի հաղթող գյումրեցի Հովհաննես Բաչկովը վստահ՝ 5-0 հաշվով հաղթանակի հասավ Ֆրանսիան ներկայացնող Լունես Համրաուիի նկատմամբ՝ կարիերայում երրորդ անգամ հռչակվելով Եվրոպայի չեմպիոն (Եվրոպական խաղերի ծրագրում ընդգրկված բռնցքամարտն այդ տարի փոխարինում էր Եվրոպայի առաջնությանը-խմբ.):
Քիչ անց աշխարհամասի չեմպիոնի կոչման համար պայքարի դուրս կգա 86 կգ քաշային Ռաֆայել Հովհաննիսյանը:
Հիշեցնենք՝ 57 կգ քաշային կարգում Հայաստանի ներկայացուցիչ Արթուր Բազեյանը 2-3 հաշվով պարտվել էր՝ բավարարվելով արծաթե մեդալով, իսկ 60 կգ քաշային կարգում Վրաստանը ներկայացնող ջավախքցի Արտյուշ Գոմցյանը հռչակվել էր Եվրոպայի չեմպիոն:
Եզրափակիչ մենամարտերը կարող եք դիտել «Վիվառո Սպորտ» հեռուստաալիքով:
