Չեմպիոնների լիգայի կիսաեզրափակիչի պատասխան խաղում «Լիվերպուլը» 3-2 հաշվով(առաջին խաղը՝ 2-0) կամային հաղթանակ է տոնել «Վիլյառեալի» նկատմամբ՝ դուրս գալով մրցաշարի եզրափակիչ:
Opta վիճակագրական կենտրոնի հաղորդմամբ՝ մերսիսայդյան ակումբը բացառիկ ցուցանիշ է գրանցել անգլիական թիմերի շրջանում:
«Լիվերպուլը» պատմության առաջին անգլիական ակումբն է, որը նույն մրցաշրջանում հասել է Եվրոպական գավաթի/Չեմպիոնների լիգայի, Անգլիայի գավաթի ու Անգլիայի Լիգայի գավաթի եզրափակիչ:
Անգլիայի Լիգայի գավաթի եզրափակիչում Կլոպի թիմը հետխաղյա 11-մետրանոցներով հաղթել է «Չելսիին», Անգլիայի գավաթի եզրափակիչը նույնպես «Չելսիի» դեմ է(14.05.22թթ., 19:45), իսկ Չեմպիոնների լիգայի եզրափակիչը(«Ռեալի» կամ «Մանչեսթեր Սիթիի» դեմ) կկայանա մայիսի 28-ին Փարիզում:
«Ֆանտաստիկ թիմ եք». «Վիլյառեալը» շնորհավորել է «Լիվերպուլին»