«Ռոման» որոշել է երկարաձգել Հայաստանի հավաքականի ավագ Հենրիխ Մխիթարյանի գործող պայմանագրի ժամկետը՝ տեղեկացնում է իտալական Calcionews24-ը:
Ըստ աղբյուրի՝ հռոմեական ակումբի ղեկավարները շուտով կսկսեն բանակցությունները Մխիթարյանի գործակալ Մինո Ռայոլայի հետ:
Մինչև այս իտալական ԶԼՄ-ներում շրջանառվում էին տեղեկություններ, թե Հենրիխը մրցաշրջանի ավարտից հետո ազատ գործակալի կարգավիճակով կտեղափոխվի այլ ակումբ:
Այդ տեղեկություններից հետո «Ռոմայի» գլխավոր մարզիչ Ժոզե Մոուրինյոն գովաբանել էր Մխիթարյանին՝ նշելով, որ 33-ամյա հայ կիսապաշտպանը հռոմեական թիմի ամենակարևոր խաղացողն է:
Հավելենք՝ Հենրիխ Մխիթարյանն ընթացիկ մրցաշրջանում բոլոր մրցաշարերում մասնակցել է 32 խաղի, խփել 3 գոլ և կատարել 7 գոլային փոխանցում:
